الجمعة، 19 يونيو 2009

قصة غيرتنى

القصة ده حصلتلى بجد وغيرتنى بجد ، واتعلمت منها حاجات كتير
وما عرفتش اكتبها غير بالشكل ده .

كل يومين ..عم حسين ييجى ينادى لعم حنين
ينزل يجرى ..ياخدو ويجرى
وأنا مش عارف بيروحو فين

قلت ف يوم لازم امشى وراهم
علشان اعرف اللى وراهم
لو رايحين يعملوا تهييسه
يبقى حرخم وابقى معاهم

بعد يومين حصل المطلوب
المتقدر والمكتوب

عم حسين عمال بينادى
ويقول أنا جايلك فى معادى
يلا يا حنو ما تبقاش هادى
هما يادوبك دول ساعتين

فضلوا يلفوا شمال ويمين
هنا بيمدوا وهنا ماشيين
وأنا براقبهم ولا حاسيين
فجأة لقيتهم راحو واقفين
قدام دار كان للأيتام

دخلو بسرعة لجوه الدار
بيقولو يلا يا شطار
بما إننا حلوين وكتار
نلعب سوا لعبة واتنين

وشى بسرعة جاب ألوان
وف لحظة المستور أهو بان
قلت أنا لازم أكون إنسان
بعد ما عقلى كان تعبان

وأما لقيتهم كده خارجين
بوست الخد شمال ويمين
دولا يا ناس عقدين ياسمين
كنت أنا ناقص ...كانوا زايدين

واتعلمت خلاص على أيديهم
فرحة طفل يتيم يوم عيدهم
بالخيرات المولى يزيدهم
وبقيت راجل .....وبقلدهم

*** دعوة إلى زيارة أقرب دار أيتام ... صدقونى احساس ما يتوصفش .
ملحوظة : غيرت اسماء الحقيقة عشان اعرف اعملها وزن

هناك 54 تعليقًا:

  1. السلام عليكم ورحمة الله وبركاته
    اهنئك ..
    واخييك على اسلوبك الجميل ..
    الى الامام ..

    ردحذف
  2. السلام عليكم

    جزاكم الله خيرا على فعل الخير

    الوزن بتاع البوست جميل جدا واسلوبك راقى

    تحياتى

    ردحذف
  3. جربت ورحت مرة واحدة :(
    ولحد دلوقتى بالرغم من المدة الطويلة
    وللاسف بأعترف بكده :(لسه حاسه الالم اللى
    حسيت به يومها خلانى ما اقدرش اكررها تانى
    عارفة انى مقصرة لكن اللى بقدر عليه(مادياً)
    بعمله لكن الاطفال وكسرة النفس اللى جوا عيونهم
    خلتنى ما اقدرش اهوب من هناك تانى.كفاينى اطفال
    الاورام ياوجع قلبى عليهم :(

    ردحذف
  4. إنما راسبوتين
    وشاعر وشعر جميل!
    كمــــــــــــان
    وبتزور دار الايتام
    ايه التناقضـــــات دى
    ياراسبوتيـــــــــــــن:)

    ردحذف
  5. هدف البوست جميل بجد

    وفعلا قصة تستحق السرد

    و انت ماشاء الله فعلا سردتها بأسلوب جميل

    ^_^

    ردحذف
  6. ايه يا عم ده انت جامد جدا

    ردحذف
  7. السلام عليكم
    ما شاء الله ..
    جميله جدا .. رائعة المعنى و الاسلوب
    جزاك الرحمن كل الخير و وفقك دوما ..

    ارق تحياتى

    ردحذف
  8. حلو اوي وزن القصيده

    والاحلي الكلام الي جواها

    والاجمل والاجمل الموضوع الي بتتكلم عنه

    بجد حلو اوي البوست ده

    ردحذف
  9. فعلا أى عمل خير
    بيدى احساس ميتوصفش ...!

    ردحذف
  10. تسلم ايدك ودماغك

    حقيقة بوست جميل جدا وهدفه سامي

    زادكم الله من فضله

    دمتم بخير

    ردحذف
  11. السلام عليكم
    أشكر لك مرورك ويشرفنى دوام التواصل معك
    جميل جداً أن يكون الإنسان له دور فى مجتمعه
    الذى يعيش فيه وأن يكون له قيمة بين ناسه وأهله
    دمت بكل الخير

    ردحذف
  12. اولا شرفنى جدا مرورك عندى
    واتمنا ان يدوم التواصل
    فعلا زيارة دار الايتام ودار المسنين
    ورغم مانراه وعودتنا معتصرين بالالم
    الا انه لابد من تكرارهم بين الحين والحين
    حتى ترق القلوب
    جزاك الله خير والدال على الخير كفاعله

    ردحذف
  13. انا سعيد جدا اني هنا في مدونتك وسعيد اكتر لانك مريت عندي

    مدونتك حلوة جدا والبوست جميل اوي وفيه فعلا دعوه للخير وليس هناك افضل من زيارة الايتام

    تقبل مني المرور

    ردحذف
  14. يسعدني المرور بمدونتك وقراءة كلماتك الرقيقة التي تحمل معاني جليلة بهتت في هذا الزمان الأغبر الذي يعج بالكراهية والتعصب وسوء الظن والانشغال بالذات وسفساف الأمور شكرا لك .

    ردحذف
  15. بصراحه الايتام واللعب معاهم متعه تانيه

    جميله اوي

    دمت بود

    ردحذف
  16. والله تلاته انت محترف
    والله اقسم بالله انت مبدع
    بجد بتفكرنى بحاجات صلاح جاهين
    وكلامه السهل والجميل
    انت بجد عينى عليك بارده
    قصيده روعه
    وشكلى هسرقها احطها فى اى منتدى باسمى
    ههههههههه
    والله تحفه
    بسم الله ما شاء الله
    دوس وانا معاك

    ردحذف
  17. السلام عليكم ورحمة الله وبركاتة
    ما شاء الله
    الوزن جميييل جدااااااا
    وموزون بميزان حساس
    بوسن جميل بجد
    جزاكم الله خيرا على التذكرة
    وجعلة الله فى ميزان حسناتك
    دمت بالف خير

    ردحذف
  18. ما شاء الله قصيده جميله ومعناها اجمل
    وبجد مدونه راقيه
    تقبل زيارتي الأولي
    التي اتمني ان تسمح لي دوامها

    ردحذف
  19. ما فى احلى
    من ادخال السرور على قلب مسلم

    احساس رائع

    ومشاعر طيبة جدا

    فما بالك عندما يكون يتيم كمان

    فعلا شعور جميل اوى

    ردحذف
  20. بجد بيبقى اجمل احساس فى الدنيا

    انك تتدخل السعاده على قلب حد

    انا دى كانت اول سنة اروح فيها دار لايتام

    وعلى اد بجد ماهى صعبه انى اشوف اطفال كدة

    على اد ماهى متعه انى العب معاهم وافرحهم

    تحفة الكلمات الى انت عبرت بيها

    وجميله اوى المدونة

    تقبــــــ مرورى ــل

    ردحذف
  21. يفتح باب بيت المدونين ذراعيه لكل الموهبين في :
    1/ القصة القصيرة
    2/ الشعر بشتى أنواعه
    3/ الرواية "رواية سنوية سنقوم بنشرها في الجريدة"
    إذا وجدت في نفسك القدرة على المشاركة أرجوا التواصل معي على الميل التالي
    arabicsabah@yahoo.com
    شروط المسابقة
    1/ ..............................
    2/ .............................
    3/ ..............................
    لا يوجد شروط الشرط الوحيد هو العمل الجيد , والعمل المحترم البعيد عن الإسفاف
    المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
    أرجوا التفاعل معنا في الجروب على العنوان التالي
    http://www.facebook.com/groups.php?ref=sb#/group.php?gid=78080770039
    انتهينا من مسابقة العدد الاول ونحتاج كميات أكثر من القصص لباقي الاعداد
    العدد الاول سيكون في يوليو وقد قمنا بتأجيله نظراً للامتحانات الدراسية وسنكون بالاسواق بعدها ...
    المسابقة ستكون دورية نريد أن نظهر أكبر عدد من الأدباء الشباب الى النور
    تحياتي للجميع

    ردحذف
  22. دعوه لك ولزوار مدونتك

    سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.


    المدونه
    http://netonradio.blogspot.com
    الموقع
    http://stop.to/cairo

    تحاتنا وامنياتنا لك بالتوفيق

    ردحذف
  23. الله...جميل أوى ان الواحد يحس ان حياته كانت فاضية و فجاة اتملت بحاجات حلوة كدة...يا رب بس تثبت و يا سلام بقى لو توسع نشاطك و لو عندك وقت تشترك فى اعمال خيرية كتير

    ردحذف
  24. عجبتنى أوى

    بس اشمعنى راسبوتين ؟؟ ده حتى نهايته تجيب تشاؤم

    ردحذف
  25. أعتقد إن هذف القصيدة
    إن بعض الظن إثم

    ردحذف
  26. والقصيدة مستواها عالى وجميلة وهادفه

    ردحذف
  27. فعلا والله احساس لا يوصف انك تضحك يتيم او تمسح دموعه وياريت فعلا نقدر نغير الثقافه دى عندنا وتكون زيارة الايتام ده شىء اساسى فى حياتنا
    بجد الله يجزيك كل خير وحكايتك بجد كانت جميله جدا

    ردحذف
  28. والله كلام زى الفل ..فكرة جامدة وتعبير اجمد
    شكرا

    ردحذف
  29. السلام عليكم........
    اول مرة ازور المدونة بس بجد اسلوب صردك للقصة جميل اووووووووى والوزن جامد اووووى ما شاء الله عليك ربنا يزيدك فى موهبتك ........وجزاك الله جير على فعلك ودعوتك للخير الدال على الخير كفاعلة .......وربنا يجزى الشخصين دوال خير على انهم ارشدوك للخير .
    ملحوظة.....
    ممكن كلامى دا يضيقك بس بجد حبيت اقوله
    لحضرتك علشان الامانة فى الراى حاول تظبت الديكور بتاع المدونة اكتر من كده حتبقى بجد مدونة جامدة اووووووى انت ما شاء الله اسلوبك حلو اوى فى الكتابة وشكل البلوج عليه عامل لتتويج الافكار.
    دومت بخير ....فى رعاية الله.
    shemo

    ردحذف
  30. إلى مصطفى الجبالى :
    شكرا يا باشا على تشريفك ، وتشجيعك

    ردحذف
  31. إلى جوجو :
    شرفنى مرورك ، واسعدتنى كلماتك .. شكرا

    ردحذف
  32. إلى norahaty:
    على قد الواحد مابيكون متأثر جدا فى زيارته للأيتام ، لكن إحساسه إنه بيدخل عليهم ولو قدر قليل من السعادة بيخفف عنه وخصوصا لما بيتعلقوا بيه ، بيحس إنه مسئول عنهم وإنهم زى ولاده او إخواته الصغيرين .
    عموما شكرا لمرورك وياريت تضيفينى وتقبلى أنى أضيفك
    اما ( راسبوتين ) : كان لقب أطلقه عليا بعض الاصدقاء فى فترة مظلمة من حياتى وعشان كده أطلقته على المدونة عشان افتكر نعمة التوبة اللى ربنا انعم عليا بيها ( منذ حوالى خمس سنوات )

    ردحذف
  33. إلى sweet violet:
    شكرا لمرورك الكريم وبجد شكرا لكلماتك الرقيقة

    ردحذف
  34. إلى نور :
    يا باشا شرفتنى بمرورك ويارب دايما
    وماتحرمش من تشجيعك وكلامك الجميل
    ياريت تقبل إضافتى

    ردحذف
  35. إلى rovy :
    اللهم وفقنا جميعا الى كل ما هو خير
    شكرا لمرورك الكريم وكلماتك الجميلة
    ارجو قبول اضافتى .

    ردحذف
  36. إلى ديالا :
    كلامك الجميل ده احلى من البوست
    شكرا لمرورك وأرجو قبول اضافتى

    ردحذف
  37. إلى butterfly :
    شكرا لمرورك .. يارب تشرفنى دايما وتقبل اضافتى
    وفعلا عمل الخير يمنحنا الاحساس بالسعادة والرضا

    ردحذف
  38. إلى احمد سعيد بسيونى :
    يا باشا شرفتنى ويارب تكررها دايما وتقبل اضافتى
    وما تحرمنيش من كلماتك المشجعة الجميلة

    ردحذف
  39. إلى اللؤلؤة :
    لا يبقى للإنسان إلا عمله الطيب
    والاحساس بالآخرين نعمة من عند الله
    شكرا للمرور الكريم وارجو الدوام والاضافة

    ردحذف
  40. إلى ام مالك :
    اسعدنى مرورك واتمنى دوام التواصل وارجو قبول إضافتى
    وجزانا الله وإياكم خيرا

    ردحذف
  41. إلى beautifulmaind:
    شكرا لمرورك الكريم وارجو قبول مرورى واضافتى
    وشكر جدا لكلماتك الرقيقة ويارب اهدنا للخير

    ردحذف
  42. إلى الكحيان :
    سعدت بمرورك وارجو قبول مرورى واضافتى
    واللهم اخرجنا منها على خير ويحسن ختامنا

    ردحذف
  43. إلى كيارا :
    شكرا لمرورك وارجو قبول مرورى واضافتى

    ردحذف
  44. إلى the illusionist:
    يا باشا الكلام ده كبير عليا قوى ومش عارف اقولك إيه ، ربنا ما يحرمنيش منك ومن كلامك الحلو ده ويا باشا المدونة وصاحبها تحت امرك دى كفاية زيارتك
    وتعليقك اللى بجد فرحنى ..
    يارب تدوم زيارتك وتقبل اضافتى ..

    ردحذف
  45. إلى حتى تشرق الشمس :
    اسعدنى مرورك الكريم ، وكلماتك الرقيقة ويارب تقبل اضافتى

    ردحذف
  46. إلى اتمنى الشهادة :
    أولا : يارب يكتبهالك ولنا جميعا واحييك على اسم المدونة الجميل ومحتواها الاجمل
    وشاكر جدا لمرورك وتعليقك ويارب زيارتك تدوم وتقبل اضافتى .
    واللهم ارزقنا حسنات وخشوعا فى الصلوات وخيرا فى الممات .

    ردحذف
  47. إلى د / عرفة :
    الاحساس بالغير نعمة يمنحها الله لعباده الصالحين
    اللهم اجعلنا منهم .
    شكرا لمرورك الكريم وارجو الدوام وقبول اضافتى

    ردحذف
  48. إلى همسة إيمان :
    ربنا يقدرك كمان وكمان وينعم عليك بالصحة والخير
    وشكرا لمرورك وكلماتك الرقيقة
    ويشرفنى دوام المتابعة مع رجاء قبول الاضافة

    ردحذف
  49. إلى أنا ودماغى :
    اسعدنى مرورك الكريم ، واللهم امنحنا القدرة على عمل الخير واجعله فى ميزان حسناتنا .

    ردحذف
  50. إلى المهاجر :
    احمد الله إن ظنى السيىء فى البداية كان سببا فى معرفتى للخير فى النهاية . والحمد لله اتعلمت الدرس كويس
    شكرا للمرور والتعليق الجميل
    أرجو قبول اضافتى

    ردحذف
  51. إلى وكيلة نيابة مع إيقاف التنفيذ :
    فعلا الاحساس بالغير وخاصة اليتيم نعمة وخير بس اللى يعرف
    شكرا ... وشرفنى مرورك بمدونتى مع تمنياتى بدوام التواصل وقبول اضافتى

    ردحذف
  52. إلى shemo:
    شكرا لمرورك الكريم ، ومتشكر جدا لتعليقك الجميل
    ومتشكر اكتر واكتر على النصيحة وإن شاء الله حنفذها قريبا بس الواحد يفضلها شوية

    ردحذف
  53. اسلوبك في سرد القصة فعلا ممتع

    لو جربت تكتب قصص للأطفال بالشكل ده هتنجح جداااااااااااااااا جدا فيها

    المغزى من القصة اللي عجبني اننا بنظن في الناس ونحكم عليهم بالغلط

    بس زيارة الايتام بالنسبالي شعور مؤلم جدا لا أقوى عليه
    ودة طبعا تقصير مني وندالة
    وربنا يسامحني بقى

    ردحذف
  54. إلى manooosh:
    شكرا لمرورك الكريم ولرأيك الجميل اللى بجد أسعدنى
    وأنا معاك إن زيارة الأيتام فيهل شعور مؤلم جدا
    بس اللى بيخفف الشعور ده إحساس الواحد إنه بيحاول يسعدهم ويساعدهم
    شكرا .... مع رجاء دوام التواصل

    ردحذف