ذكريات
ذكريات بينى وبينه ..... لما جت عينى ف عينه
افتكرت سنين حنينه ....واللى عدى واللى فات
افتكرته لما جـــالى ....قاللى حالك زى حالى
وإن مهما تفوت ليالى ....برضه هفضل عنده غالى
وافتكرته لما قال ...بعده عنى شىء محال
والفراق بينا خيال ...وإن ليله ف بعدى طال
وافتكرته لما تاه ....وسط زحمة الحـــياة
ساب حنانى وخد معاه ....حب جوه القلب مات
ذكريات
وافتكرته لما تاه ....وسط زحمة الحـــياة
ردحذفساب حنانى وخد معاه ....حب جوه القلب مات
الله
جميله اوي كلماتك دي.. بجدجميله
تسلم ايديك..
دي اول مره اجي هنا
بس شكلي هاجي كتير ان شاء الله
بجد عارف كلام فوق الهايل
ردحذفولمسني جدا
وبيعبر عن واقع حصلي وبيحصل لكتير غيرنا
مدونتك دي اكتشاف
باذن الله هكون متابعه لها دايما
بس ياريت تشيل خاصيه الحروف السريه من التعليق عشان المدونين يعلقوا عندك بسهوله
وتقبل مروري
ساب حنانى وخد معاه ....حب جوه القلب مات
ردحذفوانا كمان افتكرت ده ):
جميلة قوى وكلها مزيكا وكمان معنى ....الله ينور يامعلم
ردحذفذكريات فيها معانى حلوه واحساس جميل وتناسق رائع
ردحذفذكريات بنعيش معانا
ذكريا فيها كا كتير امانى
ذكريات تاهت وتوهنا منها وسط الزحام
وجميل اوى
ساب حنانى وخد معاه ....حب جوه القلب مات
بس اكيد الحب بجد مش بيموت ونتمنى كل امل وكل جديد بكلماتك
وتقبل مرورى